Et bedre efterskoleophold
ALLU - NUANNERNERUSUMIK EFTERSKOLE-RNISSAQ ANGUNIARLUGU
Danmark-imi efterskole-ssamaarpit imal. maanna Danmark-imi efterskole-rpit attaveqaatitillu amerlisikkusullugit kalaallinillu allanik efterskole-rtunik ilagisaqarusullutit?Danmark-imi efterskole-raanni angerlarsimaffik ungasittaqaaq - angerlarsimaffimmi attaveqaatit aamma ungasittaqaat. Nunamut allamut nuulluni artornarsinnaasarpoq, oqaatsit allat oqaaseralugit qallunaallu piorsarsimassusaannut iserniarneq aamma tulluarsassallugu artornarsinnaalluni. Taamaammat Peqatigiiffik Kalaallit Meerartaat immikkoorutilimmik attaveqaqatigiiffimmik sananikuupput - "Allu"-mik taasatsinnik. 
Sunaagami Allu?"Allu" kalaallinut Danmark-imi efterskole-rtunut naapittarfiuvoq, inuusuttullu eqimattat kajumissutsimik sulisut ataatsimoorlutik qasuerserfimmik efterskole-rnermilu ulapiffiusumi attaveqaqatigiiffimmik pilersitsinikuullutik. Anguniagaq pingaarneq tassaavoq efterskole-mi ulluinnarni unammillernartunut ikiuinissaq. "Allu" weekend-ini sisamani aamma naapisimaarnissamut periarfissiisarpoq - tassani kalaallit efterskole-rtut allat anersaakkut immersoqatigisinnaavatit inuusuttullu nuannersunik misigisaqarfigalugit ilittulli ulluinnaqartut assigalugit. Kajumissutsiminnik sulisut attaveqaatinnut ilanngutissapputWeekend-ini aamma kajumissutsiminnik sulisoqassaaq siunnersortitut ingerlasussanik. Susassaqartitsinerit aaqqissussavaat Allu-milu attaveqaatinnut ilaalissallutik. Kajumissutsiminnik sulisut illit attaveqaatinni ilaarusupput. Tamarmik angerlarsimaffik ungasissumukarlutik qimaqqanikuuaat nalunagulu qanoq artornarsinnaatiginersoq. Kajumissutsiminnik sulisut kalaallit Danmark-imi efterskole-rtut katersornissaannik ikiuisarput. Ugguuna ilanngugitAllatsikkusukkuit imal. apeqquteqaruit Nathasja Preus attaveqarfigiuk nlp@fgb.dk-mut imal. Peqatigiiffik Kalaallit Meerartaannut sianerlutit telefon-imut: +45 3585 8330