Sisi – meeqqat angelarsimaffiup avataanut inissinneqarsimasut ataatsimoorfiat

Meeqqat kalaallit, ilaqutariinnut kalaaliunngitsunut inissinneqarsimasut, ataatsimoorfiliatsinnit ’Sisi’-mit nakussassarneqarput.

Naatsumik oqaatigalugu:

‘Sisi’ tassaavoq Jyllandip Qeqqani Avannarpasissuanilu meeqqanut angerlarsimaffiup avataanut inissinneqarsimasunut neqeroorut. Suliniut Sisi Aalborg Kommune suleqatigalugu pilersinneqarpoq.  

Suliami meeqqat kalaallit 15-it missaanniittut 8-16-nik ukiullit peqataapput, ukiumut arfineq-marloriarlutik katersuuttarlutik. Matumani meeqqat ataasiakkaarlutik toqqissisimanermik ataqatigiinnermillu misigisaqarnissaat – aammalu kalaallisut tunuliaqutaqarnerminnik attassiinnarnissaminnut periarfissinnissaat – suliarisarparput. Suulluunniit kalaaliulluni ilaqutariinni danskiusuni inissinneqarsimaneq pissutaallu atoruminaatsut allanullu oqaluuseriuminaatsut pillugit meeqqat oqaluuserisinnaavaat.

 

Kikkut peqataasinnaappat?

Meeqqat kalaallisut tunuliaqutillit, Jyllandip Qeqqani Avannarpasissuanilu angerlarsimaffiup avataani inissinneqarsimasut.

 

Suliniut sumi ingerlanneqarpa?

Suliniut Sisi Aalborgimi ingerlanneqarpoq, kisianni Jyllandip Avannarpasissuani Qeqqanilu kommunit meerartaat peqataatinneqarsinnaalluarput

 

Suliniutip oqaluttuarisaanera:

‘Sisi’ Aalborg kommune suleqatigalugu pilersinneqarsimavoq, tamatumunnga tunuliaqutaasimalluni ukiut arlallit ingerlanerini paasineqarmat, meeqqanik kalaallinik inissiisarnerit iluatsippallaartarsimanngitsut. Ilutigisaanik kommunip taamatuttaarlu Peqatigiiffik Kalaallit Meerartaasa ilisimalersimavaat, meeqqanut danskiusunut naleqqiullutik meeqqat kalaallit Danmarkimi angerlarsimaffiup avataanut inissinneqarsimasut agguaqatigiissillu amerlanerusut. Tamanna tunuliaqutaralugu Sisip suliassaa pingaarnerpaaq tassaavoq, meeqqanik kalaallinik Danmarkimi inissiisarnerup ullumikkuminngaanniit iluatsinnerujussuarmik ingerlasalernissaanut iluaquseeqataanissaq.

 

Sammisartakkat makkuusinnaapput:

‘Sisi’ ukiumut arfinileriarluni sapaatip akunnerata naanerani tammaarsimaartitsisarpoq taavalu sapaatip akunneranik sivisussusilimmik aasakkut tammaarsimaartitsisarluni. Angalanerni meeqqat assigiinngitsunik sammisaqartinneqartarput, kalaallisut kinaassuseq aammalu angerlarsimaffiup avataanut inissinneqarsimaneq suliarisarlugit. Angalanerni tammaarsimaarnernilu aamma inuttut ataatsimoornissaq inissaqartinneqarpoq, ataatsimoorluni nuannisaqatigiillunilu.

 

Peqataaneq sunik pissarsiffiusarpa?

Meeqqat, meeraqatitik immisulli atugallit naapittaleraangamikkit meeraqatiminnik, ikinngutigillualikkaminnik, ikinngutitaartortarput. Aamma nammineq angerlarsimaffimmik avataannut allanarluinnartumik inuusaasilinnut inissinneqarsimasutut pissutsit atoruminaalluinnartut pillugit meeqqat oqaluuserinninnissaminnut periarfissaqartarput.

Aamma meeqqat inersimasunik aalajaatsunik takusaqarnissaminnut periarfissaqartarput, inersimasullu tassaasarlutik kalaallit inuusaasiannik angerlarsimaffiullu avataanut inissinneqarsimanermik ilisimannittut. Inersimasunut ilaapput inuusuttut kajumissutsiminnik suleqataasut (suliniutitsinni Siammartoq-meersuullutik. Inuusuttut taakku namminneq kalaallisut tunuliaqutaqarput taavalu angerlarsimaffiup avataanut inissitaanermik misigisaqarsimasuusarlutik).

 

Suliniummik aqutsisoq qanoq oqarpa?

“Suliniummi Sisimi inuusuttut, meeqqat tunuliaqutaannut assingusumik tunuliaqutallit meeqqat tarrarsorfigisinnaasaasa, kajumissutsiminnik suleqataanerat, asseqanngitsumik periarfissiivoq, tassami inersimasut taakku takutippaat qanorluunniit atugaqarsimagaluarlutik ingerlalluartuullutik. Meeqqat taamatuttaaq angajoqqaarsiat kommunillu kingumut nalunaarutigisartagaat pitsaasorujussuupput. Meeqqat allani pissarsiarisinnaanngisaminnik ’Sisi’mi pissarsisarnerat tamammik misigisarpaat”, suliamik aqutsisoq Jeppe Bülow Sørensen oqarpoq.

Suliniut kia tapersersorpaa?

2018-imi aasaq ilanngullugu Sisi satspulje-nit aningaasalersorneqarpoq. Tamatuma kingorna kommunit suliniummut peqataanissamut inissanik pisinissamut periarfissaqalissapput. Suliniummut kajumissutsiminnik suleqataasut arfiniliupput, tamanna meeqqanut taamatuttaarlu suliniummi sulisunut nalitoorujussuuvoq.

  

Annertunerusumik paasisaqarusuppit?

Suliamik aqutsisoq Jeppe Bülow Sørensen jbs@fgb.dk – imaluunniit suliniummi suleqataasoq Torben Toft Nielsen, ttn@fgb.dk attavigineqarsinnaappput