Oqalugiartitsinissamik inniminniigit

Qanoq Kalaallit Nunaanni tamaatuttaaq Danmarkimi kalaallit meerartaat inussuttortaallu pimoorussilluta ilorraap tungaanut allanngueqataaffigissinnaavavut? Apeqqut tamanna Peqatigiiffik Kalaallit Meerartaasa ukiuni untritilinngulersuni suliarisimavaa. Misilittakkavut oqaluttuariartorsinnaavavut, soorlu inuussutissarsiortunut, kommunenut ilinniarfinnullu.

Inuk takkulluni piviusunik oqaluttuartoq oqalliseqataasorlu, amerlanertigut paasissutissiilluarnerpaasarpoq. Taamaattumik Kalaallit Nunaanni taamatuttaaq Danmarkimi ornigulluta oqalugiariartorsinnaavugut.

Oqalugiarneq ilissi kissaatissinnut naleqqussarneqarsinnaavoq, aallaavittulli makku neqeroorutigisarpavut:

  1. Peqatigiiffik Kalaallit Meerartaat. Sulinerput, oqaluttuarisaanerput aammalu sooruna sulinissarput pisariaqartoq
  2. Meeqqat ersinngitsut – Kalaaliulluni Danmarkimi meeraaneq inuusuttuunerlu
  3. Camps/tammaarsimaartarnerit – illoqarfik tamaat aasakkut sammisaqarfigalugu – sooruna?

Aamma suliat ingerlatavut imaluunniit Danmarkimi Kalaallillu Nunaanni sumiiffinni aalajangersimasuni suliavut pillugit oqaluttuariartorsinnaavugut.

Oqalugiarfigitinnissamik qanoq noqqaasinnaavugut – qanorlu akeqarpa?
Aaqqissuussap suunera qulequttallu aammalu aaqqissuussineq pillugit fgb@fgb.dk-mut e-mailikkut allaffigitigut. Oqalugiarneq ataaseq aallaavittut 5000 kr.-qarpoq, ilaatigooriarlutali aamma akikillisaangaatsiarnissamut periarfissaqartarpugut. Ilissilu suliffeqarfittut, peqatigiiffittut taakkuluunniit assigisaannik ingerlatalittut Peqatigiiffik Kalaallit Meerartaannut tapiisimagussi imaluunniit suliniummut aajajangersimasumut tapiisimagussi, taava qujaniarluta akeqanngitsumik oqalugiariartorsinnaasarpugut.