29.03.21

Siammartoq aallarteqqilerpoq

Kalaallit Meerartaat kalaallit inuusuttut holdit nutaat, inuusuttunik kalaallinik allanik peqateqarlutik ataatsimooqatigiinnissaannut peqataaqqullugit kaammattuivoq. ”Suli amerlanerit inissaqarput, taamaammat ataatsimooqatigiiffimmut peqataajartoritsi”, suliniummik aqutsisoq Nathasja Preus kaammattuivoq.

Aasarpat Kalaallit Meerartaasa inuusuttut holdit nutaat katersuutseqqissavai, ilinniartillugit aamma ataatsimooqatigiiffinni pingaarutilinni peqataanissaannut tapersersorlugit. Tassami ataatsimooqatigiiffiit pingaaruteqartuupput. Suliniummik aqutsisoq Nathasja Preus oqaluttuarpoq: ”Siammartumi kalaallit inuusuttut katersuutsittarpagut, ukiullu aappaa affaq ilinniarnermi attavigiinnerit nukittuut pilersarput. Tatigeqatigiinneq inuusuttut takutittagaat, namminneq ineriartornissaminnik sulissutiginninnerminni toqqissisimanermik pilersitsinissamut pingaaruteqaqaaq”.

Sungiusarluni sulinermit pissarsiat

Inuusuttut ilinniartinneqarnermik tassanilu qulequttat arlaqartut pillugit ilisimasaqalernermik – soorlu ataatsimooqatigiiffiit, isumaqatigiinnginnerit pissuseqarfiginissaat, inuunermit oqaluttuat, attaveqaqatigiinneq, kulturi isummereertarnerillu – saniatigut ilinniarneq aammattaaq ingerlatsiffiuvoq, inuusuttut namminneq inuunermik oqaluttuassartaannik sammisaqarfigisaat aamma nutaanik aqqutissarsiornissamut ataatsimooqatigiiffinnillu nutaanik ujartuinissamut piareersarfigisaat, assersuutigalugu peqatigiiffimmi namminneq kajummissutsimikkut sulisutut. Allanik peqateqarluni allallu nuannaarutigisinnaasaannik sulerusussusermik tunniussaqarneq namminerlu piffissarisamik atuineq annertoqaaq. Nathasja Preus oqaluttuarpoq: ”Ukiuni tallimani Siammartup atuuffiini, misiginikuuarput inuusuttut inerikkiartorluartartut, sungiusarlunilu sulineq ilinniarnerup ilagisaa pissarsissutigilluartarlugu. Inuusuttut Kalaallit Meerartaasa meeqqanik sammisaqartitsisarfinni sungiusarlutik sulisarput, aammali allani sungiusarlutik sulisinnaallutik. Assersuutigalugu Arctic Streetfood, aaqqissuussinerni assigiinngitsuni biiliniit nerisassanik sassaalliisarnermik ingerlatsiviusoq, sungiusarluni suliffittut inuusuttunit nuannarineqarluartarpoq”.

Sumiiffinni ataasiakkaani ataatsimooqatigiiffiit

Nutaatut sumiiffinni ataasiakkaani suleqatigiinnissat qitiutinneqassapput, inuusuttut najugaqarfimminni ataatsimooqatigiiffinnut peqataasinnaaleqqullugit. Tamanna pisinnaavoq peqatigiiffinni klubbiniluunniit, inuit soqutigisatik aallaavigalugit ataatsimooqatigiittarfiini – aammali allaasinnaallutik. Nathasja oqaluttuarpoq: ”Inuusuttut assigiinngitsuupput, assigiinngitsunillu pisariaqartitaqarlutillu kissaateqarlutik, taamaammat suut naapertuuttuunerat inuusuttumiit inuusuttumut nikerartussaapput. Aamma assersuutigalugu imaassinnaavoq inuusuttup kiserliortup ”Ventilen”-imi – inuusuttut kiserliortut naapeqatigiittarfianni – peqataaneq iluaqutigigaa. Pingaarnerpaavoq inuusuttut ataatsimooqatigiiffimmut isumaqarluartitaminnut peqataalernissaminnut sapiissuseqalernissaat”.

Ataatsimooqatigiiffimmut peqataarusuppit?

18-it 25-llu akornanni ukioqarpit?
Ilinniakkamut qaammatit 18-it ingerlaneranni sapaatip-akunnerisa naanerinut arfineq-pingasunut siammaassamut?
Ataatsimooqatigiiffiit, isumaqatigiinnginnerit pissuseqarfiginissaat, inuunerup oqaluttuassartai, attaveqaqatigiinneq, kulturi isummereertarnerillu pillugit annertuunik ilisimasaqalerusuppit?
Illit nammineq inuunerpit oqaluttuassartaanik sammisaqarusuppit?
Sapaatip-akunnerisa naanerani ikumatitsilluta nerisassiortarnitsinnut nuannersorpassuarnillu sammisaqartarnitsinnut peqataarusuppit, assersuutigalugu orpippassuarni pisuttuaataa majuaqattaarneq?
Siammartumi kalaallit inuusuttut allat ilagalugit ataatsimooqatigiiffimmut peqataalissaatit aamma sungiusarlutit sulinissannut najugaqarfigisanni ataatsimooqatigiiffinnut peqataalernissamut periarfissinneqassaatit.

Uunga emailerit: Torben Toft ttn@fgb.dk sianerlutilluunniit uunga: 5146 0339 imaluunniit uunga emailerlutit: Helle Skriver hsa@fgb.dk uungaluunniit sianerlutit: 5164 7002

Siammartoq pillugu annertunerusunik paasissutissaqarpoq uani