23.06.19

Royal Run Aalborgimi ingerlanneqarpoq: Peqatigiiffik Kalaallit Meerartaat-meersut arpaqataapput

Arpatsitsineq “Den Royal Mil” juunip ulluisa arfineq-pingajuanni seqqornikkut aallartinneqartussanngormat meeqqat 60-it arpaqataanissaminnut piareersimapput. Tamatumani arpatsitsineq arpatsitsinissaarsuarmut “Royal Run”-imut kunngissatta Frederiup nuliata Maryp kajumissisitsisussatut peqataaffigisaanut aallarniutaavoq. Meerarpaaluit Peqatigiiffik Kalaallit Meerartaat-meersut arpaffik 1,6 kilometeritut isorartutigisoq arpappaat, meeqqanullu arpaqataasunut angajoqqaajusut aammalu kajumissutsiminnik ikiuuttut arpaffigineqartoq sinerlugu qiimmassaapput.

Ulloq nuannerpoq, ingammik nukappiaqqat Peqatigiiffik Kalaallit Meerartaat sinnerlugu peqataasut ilaannut. Taannami arsaattartut ajugaagajuttut (Superliga) Aalborgimi arsaattarfissuarmi arsaannissaannut isissutissanik atuaqataaminut aamma agguaatassaminik akissarsisitaavoq, Peqatigiiffik Kalaallit Meerartaat-mi suleqatigiinnut aqutsisoq Jeppe Bülow Sørensen oqaluttuarpoq, taassumalu oqaatigaa arpaqataasut tamarmik qiimarrassimagaluartik arpareernertik kingorna aamma qasoqqalaarsimasut. Aaqqissuussaq qularnanngilluinnartumik iluatsilluarpoq, aamma meeqqanik ilaqutariinnillu allanik Aalborgip kangiani katerisimaaqateqarnissatsinnut periarfissiivoq. Aappaagu arpatsitseqqikkumaarpugut, taamanikkussamullu arpatsitsinissatsinnut immaqa sungiusartitsilaartarumaarpugut, Jeppe aalajangersumik oqarpoq.

Tamatumani arpatsitsineq arpatsitsinissaarsuassamut ”Royal Run”-imut aallarniutissatut akuerisaallunilu Peqatigiiffik Kalaallit Meerartaat-p immikkoortortaata ”Øst i Centrum”-ip (Kangia qitiutillugu), DGI-p aammalu Kulturip Illorsuata Trekantenip Aalborgip kangianiittup suleqatigiinnerisigut ingerlanneqarpoq.