04.03.19

Peqatigiiffik Kalaallit Nunaanni Meerartaat Nuummi suliniutilerinermi aqutsisussamik sulisussarsiorpoq

Suliniutilerinermi aqutsinermik perorsaanikkullu sulinermik misilittagaqarpit? Kalaallit Nunaanni meeqqat atugaannik pitsanngorsaaqataarusuppit? Taamaappat atuarnerit nangiuk! Peqatigiiffiup Kalaallit Nunaanni Meerartaat nuummi suliniutilerinermi aqutsisutut atorfik inuttassarsiuuppaa.

Peqatigiiffik Kalaallit Nunaanni Meerartaani suliniutilerinermi aqutsisua allamik suliffissarsiornikuummat, Nuummi allaffimmi nutaamik suliniutilerinermi aqutsisussamik sulisussarsiorpoq suliatsiunnut Sapiik aamma Ilinnniartut. Atorfimmi pineqartumi suliassat assigiinngitsupilussuusinnaapput – suliamik aqutsinermiit ineriartortitillutilluunniit sammisassanik sapiimmi sulisunut ilinniartitillutit pisariaqartitaallu anguniarsarisarlugit.

Sulisussarsiorpugut qajannaatsoq aamma assigiinngitsorpasuarnik suliaqqarsinnaasumik, akisussaaffimmik tigusisinnaasoq – suliffeqarfimmik anginngikkaluartumi.

 

Naatsorsuutigaarput:

  • Suliniutilerinermi aqutsinermik misilittagaqartutit soorlu missingersuusiornermik naliliinermillu misilittagaqartussaatit.
  • Suleqatigiinnik aqutsineq /sulisunik suliatigut aqutsineq nukkassaqataallutit kajumissusiisinnaallutillu.
  • Nutaamik isiginneriaaseqarlutillu isumaginninnermullu tunngasunik suliniutinik ineriartortitsinermik misilittagaqartutit.
  • Namminersortumik aaqqissuulluakkamillu suleriuseqartutit – ilutigalugulu suleqateqallaqqittutit
  • Ilinniartsitisutut ilinniarnikuuvutit imaluuniit qaffasinnerusumik ilisimatusarluni ilinniakkamik naammassinnissimasutit imaluunniit suliatsinnut tunngasumik ilinnigaqarsimasutit misilittagaqarluartutillu
  • Tamatuma saniatigut meeqqanik inuusuttunillu sullissinermut tunngasumik ilinniagaqaruit aamma/imaluunniit meeqqanut inuusuttuaqqanullu tunngasunik suliaqarnermik misilittagaqaruit iluarineqassaaq, soorlu meeqqanik inuusuttunillu isumaginninnitigut kajumissutsimik sulisimaneq.
  • Suliffeqarfimmi kulturinik assigiinngitsunik tunuliaqutaqarfiusumi sulinermik misilittagaqartutit. Marluinnik – kalaallisut qallunaatullu – oqaaseqaruit iluarineqassaaq, piumasaqaataanngilarli.
  • Suleqatiguisaq illoqarfiit allamiikkaluartoq suleqatigisinnaallugu soorlu skype aqqutigalugu assigissaanilluunniit.

 

Suliniutilerinermi aqutsisutut suliniutit Kalaallit Nunaanni aallussatta ilai ingerlannerini aqutsisuusassaatit, tamatumani ilinniarneq pillugu suliniuterput Sapiik aamm Ilinniartut aqutsisuuffigissallugu. Suliniutitta Sapiik & Ilinniartut ingerlanneqarnissaa ineriartortinneqarnissaalu suliniutilerinermi aqutsisut allat Københavnimeersut suleqatigalugit ilaatigut akisussaaffigissavat. Nuummi suleqatigiinni aamma ilanngutissaatit, suliallu allaanerusut aamma tigusinnaasariaqarpatit takkutissappata.

Neqeroorutigaavut:

  • Suliffik allanngorartunik suliassaqarfiusoq suliassanillu kiffaanngissuseqarluni suliaqarfiusinnaasoq
  • Allaffik anginngitsoq ulapaarfiusoq suleqatillu suliatigut piginnaasaqarluartut pimoorussilluartullu
  • Peqatigiiffik ineriartortoq annertuunillu pilersaarusiornerni peqataatitsilluartartoq
  • Isumaqatigiissut naapertorlugu piginnaasatillu aallaavigalugit akissarsiaqartitsineq
  • Angallattakkamik oqarasuaateqartitsineq angallattakkamillu qarasaasiaqartitsineq

 

Atorfik inuttassarsiuussarput aalajangersimasumik atorfiuvoq, kingusinnerpaamillu 1. maj 2019-imi atorfinissaatit. Atorfik Oles Varehusikumi Nuummiittumi inissisimavoq. Sulininnut atatillugu ullut illoqarfinnut suliniutinik ingerlataqarfigisatsinnut angalaffiusartussat amerlanissaat naatsorsuutigissavat massakkuugallaq Maniitsoq, Ilulissat aamma Qaqortoq. Saniatigut ukiumut marloriarlutit qallunaat nunaannut angalasassaatit. Suliniutilerinermi aqutsisutut Nuummi allaffeqarfimmi pisortaq Nike Berthelsen qullersarissavat.

Sulerisuuvugut?

Peqatigiiffik Kalaallit Nunaanni Meerartat suliniutinik Kalaallit Nunaanni Danmarkimilu ingerlataqartarpoq. Suliniutivut meeqqat inuusuttullu ikiortariallit tarnikkut nukittorsaatigisarpaat kiisalu piginnaasaannik annertunerulersitsillutillu periarfissaannik amerlanerulersitsisarput. Anguniakkavut ilaatigut meeqqat kikkulluunniit toqqissisimasumik meeraaneqarnissaannut meeqqallu kalaallit amerlanerusut ilinniakkamik naammassinnittarnissaannut tunngapput. Nunatsinneersunik nunatsinnullu attuumassutilinnik suleqateqarneq ukkataraarput, taamaammallu nunatsinneersunik Danmarkimeersunillu suliatigut aallussilluartunik suleqateqartarnissarput tamatigut qulakkeertarparput. Nuummi , Københavnimi Aalborgimilu allaffeqarfeqarpugut, aamma Kalaallit Nunaanni Danmarkimilu illoqarfinni assigiinngitsuni agguataarsimasuulluta sulisuusugut 30-uvugut. Paasisaqarnerorusukkuit nittartagaq una alakkaruk: www.fgb.dk

Qinnuteqaatit tunuliaquttavillu oqaluttuassartaa (CV) uunga nassiutissavatit: job@fgb.dk, nassiutilerukkit ”projektleder i Nuuk” nassiussap sumut tunnganera pillugu allaffissamut allassavat. Ulloq piffissarlu qinnuteqaammik nassiussinissamut killiliussat: sapaat 24. marts. Atorfimmut qinnuteqartunik oqaloqateqarnerit Nuummi allaffeqarfimmi Oles Varehusikumiittumi 26-27 marts ingerlanneqassapput. Qinnuteqaat kalaallisut aamma qallunaattut allassimassaaq.

Suliniutilerinermi atorfik inuttassarsiuussarput pillugu paasisaqarnerorusukkuit Nuummi allaffeqarfimmi pisortaq Nike Berthelsen: +299 534370, nb@fgb.dk sianerfigalugu attavigisinnaavat.

 

Læs opslaget på dansk her: http://fgb.dk/nyheder/foreningen-groenlandske-boern-soeger-projektleder-i-nuuk/