20.12.19

Peqatigiiffik Kalaallit Nunaanni Meerartaat Nuummi Najorti-imik ataqatigiissaarisussarsiorpoq

Suliniutilerinermi aqutsinermik perorsaanikkullu sulinermik misilittagaqarpit? Kalaallit Nunaanni meeqqat atugaannik pitsanngorsaaqataarusuppit? Taamaappat atuarnerit nangiuk! Peqatigiiffiup Kalaallit Nunaanni Meerartaat nuummi Najorti-imik ataqatigiissaarisussarsiorpoq inuttassarsiuuppaa.

Peqatigiiffik Kalaallit Nunaanni Meerartaani Najorti-imik ataqatigiissaarisutta aapaa allamik suliffissarsiornikuummat, Nuummi allaffimmi nutaamik Najorti-imik ataqatigiissaarisussarsiorpoq. Atorfimmi pineqartumi suliassat assigiinngitsupilussuusinnaapput – suliamik pingaarnersarissavaali ataqatigiissaarinissamik meeraq najortiusussarlu kommune-mut naapinnissamik piareersaanissamik. Suliassalli aallat ukuussapput najortinngortussanik ilinniartitinissaq, najortiusunullu siunnersuisarnissaq. Suliat ataasiakkaanilu najortiusarnissaq.

Najorti ataqatigiissaarisoqatigiit suliassaat allattoqqissanneqareerput suliniutinillu ineriartutsitinissamillu pilersaarummi. Aaqqissuussineq Najorti atorlugu Kalaallit Nunaanni meeqqat oqartussaasunik naapitsinerminni illersuisoqarnissaat suliniummi qulakkeerneqartarpoq. Taamaaliornikkut inunnik isumaginninnikkut suliaq aalajangiiffigineqaraangat, meeraq inuusuttorluunniit inersimasumik ingiallorteqarsinnaasarpoq – suliassalli assigiinngitsorpassuusinnaapput. Ulluinnarmi allaffissornissat naatsorsuutigissavat, paasissutissanik katersineq, nutserilaarsinnaassaatit, ineriartortitisinnaallutit il.il.

Naatsorsuutigaarput:
– Ataqatigiissaarilluarsinnaasoq.
– Meeqqat inatsisianik ilisimasaqarnissat aamma oqartussaasoqarfiit suliariaasiat ilisimasaqarfigissagit, kommune-ni suliariaasit misilittagaqarfigisinnaavat.
– Namminersortumik aaqqissuulluakkamillu suleriuseqartutit – ilutigalugulu suleqateqallaqqittutit
– Ilinniagaqarsimanissat meeqqanut inuusuttuaqqanullu tunngasunik suliaqarnermik tunngaveqarnissaa naatsorsuutigaarput, soorlu meeqqanik inuusuttunillu isumaginninnitigut suliaqarlutit. Ilinniartsitisuusinnaavutit, perorsaasoq, inulerisoq imal. Tarnikkut pisosaanik
ilisimasalik.
– Suliffeqarfimmi kulturinik assigiinngitsunik tunuliaqutaqarfiusumi sulinermik misilittagaqartutit. Marluinnik – kalaallisut qallunaatullu – oqaaseqaruit iluarineqassaaq, piumasaqaataanngilarli.
– Suleqatiguisaq illoqarfiit allamiikkaluartoq suleqatigisinnaallugu soorlu skype aqqutigalugu assigissaanilluunniit.

Ilinniagaqarnerit tunuliaquteqarsinnaappat meeqqanik inuusuttunillu sullissinermi imal. Misilittagaqaruit kajumissutinnik sullissillutit taanna maluginiarneqarumaarpoq.

Neqeroorutigaavut:
– Suliffik allanngorartunik suliassaqarfiusoq suliassanillu kiffaanngissuseqarluni suliaqarfiusinnaasoq
– Allaffik anginngitsoq ulapaarfiusoq suleqatillu suliatigut piginnaasaqarluartut pimoorussilluartullu
– Peqatigiiffik ineriartortoq annertuunillu pilersaarusiornerni peqataatitsilluartartoq
– Isumaqatigiissut naapertorlugu piginnaasatillu aallaavigalugit akissarsiaqartitsineq
– Angallattakkamik oqarasuaateqartitsineq angallattakkamillu qarasaasiaqartitsineq

Atorfik inuttassarsiuussarput aalajangersimasumik atorfiuvoq, kingusinnerpaami 1 marts 2020 sulilernissat naatsorsuutigivarput. Atorfik Tuapannguit 20-imi Nuummiittumi inissisimavoq. Nuummi qallunaat nunaanilu suleqateqassaatit, peqatgiiggik allaffeqarfeqarami taakunani. Saniatigut ukiumut marloriarlutit qallunaat nunaannut angalasassaatit. Ataqatigiissaarisoq Nuummi allaffeqarfimmi pisortaq Nike Berthelsen qullersarissavat.

Sulerisuuvugut?
Peqatigiiffik Kalaallit Nunaanni Meerartat suliniutinik Kalaallit Nunaanni Danmarkimilu ingerlataqartarpoq. Suliniutivut meeqqat inuusuttullu ikiortariallit tarnikkut nukittorsaatigisarpaat kiisalu piginnaasaannik annertunerulersitsillutillu periarfissaannik amerlanerulersitsisarput. Anguniakkavut ilaatigut meeqqat kikkulluunniit toqqissisimasumik meeraaneqarnissaannut meeqqallu kalaallit amerlanerusut ilinniakkamik naammassinnittarnissaannut tunngapput. Nunatsinneersunik nunatsinnullu attuumassutilinnik suleqateqarneq ukkataraarput, taamaammallu nunatsinneersunik Danmarkimeersunillu suliatigut aallussilluartunik suleqateqartarnissarput tamatigut qulakkeertarparput. Nuummi , Københavnimi Aalborgimilu allaffeqarfeqarpugut, aamma Kalaallit Nunaanni Danmarkimilu illoqarfinni assigiinngitsuni agguataarsimasuulluta sulisuusugut 30-uvugut. Paasisaqarnerorusukkuit nittartagaq una alakkaruk: www.fgb.dk

Qinnuteqaatit tunuliaquttavillu oqaluttuassartaa (CV) uunga nassiutissavatit: job@fgb.dk, nassiutilerukkit ”Najortikoordinator” nassiussap sumut tunnganera pillugu allaffissamut allassavat. Ulloq piffissarlu qinnuteqaammik nassiussinissamut killiliussat: ataasinngorneq 20 januar 2020. Atorfimmut qinnuteqartunik oqaloqateqarnerit Nuummi allaffeqarfimmi Tuapannguit 20-imi sap. Ak. 4 imal 5 ingerlanneqassapput. Qinnuteqaat kalaallisut aamma qallunaattut allassimassaaq.

Ataqatigiissaarinermi atorfik inuttassarsiuussarput pillugu paasisaqarnerorusukkuit Nuummi allaffeqarfimmi pisortaq Nike Berthelsen: +299 534370, nb@fgb.dk sianerfigalugu attavigisinnaavat.