08.05.19

Nunarsuarmi aningaasalii-sussarsiortartuni tamaviaal-laqqinnerpaaq tikilluaqqu-neqassaaq

Emili Peqatigiiffik Kalaallit Meerartaat sinnerlugu 18.000 kilometerit sikkilerpai. Balders Pladsimi Københavnimiittumi maajip 21-ani tikilluaqqussavarput. Ornigullutit peqataajartorit.

23-inik ukiulik Emil Hvidtfeldt Peqatigiiffik Kalaallit Meerartaat sinnerlugu qaammatini aqqaneq-marlunni kingullerni immikkut illuinnartumik katersuiniarpoq. Marlunni nunavissuakkoorluni nunallu 26-it aqqusaarlugit 18.000 kilometerit sikkilerpai. Emili tamaviaarluinnarluni, ilungersorluni assoroorlunilu sikkilernini ilutigalugu nittartakkatigut ullorsiutiminut allaaserinnittarlunilu Peqatigiiffik Kalaallit Meerartaat-mut tapiissuteqartoqarnissaanut kajumissaaruteqartarpoq. Emili maannamut katersarilereersimasai 63.400 kr.-upput. Emilip sikkilerluni angalanini maajip 14-iani naggasissavaa. Aningaasaliisussarsiornermini katersani Peqatigiiffik Kalaallit Meerartaat-mut maajip 21-ani tunniutissavai.

Emili naapiguk

Emilip angalanini naggasingajaleruttorpaa, tamatumunngalu atatillugu Peqatigiiffik Kalaallit Meerartaaneersuusugut ilasseqatigiinnertalimmik maajip 21-ani tikilluaqqussavarput. Tamanna pissaaq Balders Plads 1-imi Nørrebromi Københavnimiittumi nal. 14.30. Emilip ajunngitsuliorujussuarneranut atatillugu nersualaarinninnermut ornigullutit peqataajartorit. Tamulugassaqarlunilu imeruersaatissaqalaarumaarpoq.