09.09.19

Najortissanik ujaasivugut

Kalaallit Nunaat tamakkerlugu meeqqanut inuusuttunullu allanngueqataarusuppit? Suliannut tunngasumik inuttullu tunngasumik imminut unammillerlutit?

Meeqqat pisinnaatitaaffiinut sullissivik MIO aamma Kalaallit Meerartaat meeqqanut illersuisunut korpsii ”Najorti” aqqutigalugu suleqatigiipput, taakkulu meeqqat inuusuttullu kalaallit inooqatigiinni suliani peqataatinneqarnissaat qulakkeerumallugu. Avannaata Kommuneani (Qaanaaq , Uummannaq, Upernavik, Ilulissat) aamma Kommune Qeqertalimmi Najortiusartussanik pissarsiorpugut.

Najortit inersimasuupput akissarsissutigalugu makkunannga suliaqartartut:

  • Meeqqap sullinneqarnerani meeqqap piumasai ersersillugit, nammineq isummani allalluunniit isumai ersersinnagit
  • Kommuunemi ataatsimiinnernut meeraq tapersersorlugu, piareersarnermi peqataanermilu
  • Suliap ingerlaneranik meeraq paasitillugu pisariaqarpallu naammagittaalliornissamut akuersitillugu
  • Meeraq pisinnaatitaaffiinik paasitillugu
  • Suliap ingerlanera, imaluunniit suliap aallartinnissaa qulakkeerlugu
  • Meeraq akueralugu isummersuutaalu akueralugit
  • Meeqqap kissaatai pisariaqartitaalu allannguallaatinik imaqarsinnaasut tapersersorlugit

Najortitut sulinermi piumasaqaatit:

  • Kalaallisut qallunaatullu attaveqaqateqarsinnaanermut naleqquttumik oqalussinnaavutit, nalinginnaasumik oqaasertaliisinnaallutillu saqqummiisinnaavutit
  • Meeqqat inuusuttullu artorsaateqartut allanngueqataaffigerusuppatit
  • Meeqqat inuusuttullu artorsaateqartut oqaloqatiginissai sapiissuseqarfigaatit
  • Sulianut nutaanut ilinniarnissannut piumassuseqarputit suliallu ajunnginnerpaamik ingerlanissaanut ineriartortitseqataarusullutit
  • Meeqqanut isiginnittaatsit nutaat kiisalu meeqqat inuusuttullu akuutinneqarnissaat ammaffigissavatit
  • Pisariaqartitsinikkut ullormut pilersaarutigisimasatit tunulliussinnaasariaqarpatit
  • Namminersorlutit sulisinnaavutit

Ilinniarsimasuunissamik pisortatigoortumik suli piumasaqaateqanngilagut. Suliffilli inunnik sullissisunut, perorsaasunut, ilinniartitsisunut imaluunniit allatigut inulerisutut inatsisilerisutulluunniit sulisimagaanni suliffik tulluartuuvoq.

Najortinngortussat najortiunissaminnut ilinniartinneqassapput sungiusarneqarlutillu.

Najortiuneq piffissaq tamakkerlugu suliffiunngilaq, suliffinnilu Najortitut ingerlaninni nikerartumik suliffinniit sulisinnaanissat naatsorsuutigisariaqassavat.

Soqutiginnippit nalornillutilli sapinnginnerlugu ilaarusunnerlutillu? Taamaappat apeqquteqarfigisinnaavatsigut paasiniaallutilluunniit, Kalaallit Meerartaanni Najortinut ataqatigiissaarisunut, Jane Sørensen js@fgb.dk tlf. 58 11 10 imaluunniit Britta Nielsen bjn@fgb.dk tlf. 55 11 22

Qinnuteqaat: Qinnuteqaat “Najorti”-mik nalunaaqutserneqassaaq ilinniakkamik sullivigereersimasanullu paasissutissartalimmik, aamma misilitsinnernit allagartat naleqquttut uunga nassiunneqassapput najorti@najorti.gl kingusinnerpaamik 1.oktober 2019.

Paasisaqarnerorusukkuit nittartagarput alakkarsinnaavat: www.fgb.dk/najorti