23.06.19

Kalaallit qallunaallu ilisarnaatitaatsinni tunngavigaavut

”Peqatigiiffik Kalaallit Meerartaat suliniaqatigiiffiusoq qallunaanik kalaallinillu ilaasortaqarpoq, tamannalu ilisaarnaatitaatsinni soorunami ersersissavarput”, allattaaneq Puk Draiby oqarpoq, taannalu isumaqarpoq suliniaqatigiiffiup suliatigut ineriartortitsinera nutaamik ilisarnaatitaarnermut pissusissamisoortumik tunngaviusoq.

”Kulturit oqaatsillu assigiinngitsut marluk tunngavigalugit sulinerput allaavigalugu Kalaallit Nunaanni Danmarkimilu avammut attaveqatigeeriseqarnissarput sivisuumik ukkataraarput, taamaammallu aalajangerpugut naqitat allallu atorlugit avammut attaveqarnitsinni ilisarnaatinik oqaatsit marluk atorlugit sulianik atuinerusalissalluta. Ilisarnaatitaarput kalaallinik qallunaanillu ingerlatsinitsinni tamakkiisumik peqataatitsinitsinnut ersersitsisuuvoq. Taama aaqqissuussisimanerput nuannaarutigisorujussuuarput”, Puk Draiby ilisarnaatitaarnertik nutaarluinnarmik ingerlatseriaaseqalernissamik malitseqannginnissaanik eqqumaffiginnilluinnaqqissaarsimasoq oqarpoq.

Assip oqaasertassai: Meeqqap ilaata assinga ilisarnaatikutsinni atorneqartoq ilitsarnaatitaatsinni atoqqipparput, tamatumanilu qalipaatit taamatuttaaq toorneq orangeamik qalipaatilik i-p toorneratut oqaatsimi uani; Foreningen (Foreningen Grønlandske Børn) ilisarnaatikutsinni atorneqartarsimasut aammaartumik atorneqarput.

 

 

 

 

 

 

 

 

 

 

 

 

 

 

 

Oqaluttuarisaanerup ilagaatigut

“Ilisarnaatiginikuusatsinniit atuinngaatsiarpugut” Puk Draiby oqarpoq.

”Ilisarnaatikutta toqqammaviginissaa pingaartissimavarput. Kalaallit Nunaanni meeqqat atugaasa pitsanngorsarnissaannut ukiut 100-ngajaat ingerlaneranni suliniuteqartarsimasut misilittagaat tunngavigalugit suliniaqatigiiffimmik matumani pineqartumik ingerlatseriaaserisarput ataqqisorujussuuara. Ataatsimut isigalugu Peqatigiiffik Kalaallit Meerartaat-mi sulisuusugut suliniaqatigiiffimmi suliatsinnik kinguaariinnut tulliuttunut – uagutsitulli suliniuteqarusuttunut taamanikkussamulli pissutsit atuuttut tunngavigalugit suliniuteqartartussanut – ingerlatitseqqiinnginnitsinni suliniaqatigiiffimmik ingerlatsisuuginnarallartuuvugut”, Puk Draiby oqarpoq.

”Taamatuttaaq aalajangerpugut oqaaseq “Peqatigiiffik” ilisarnaatitaatsinni atorunnaassasoq”, Puk Draiby oqaluttuarpoq. ”Taajuminartuunissaa eqqarsaatigalugu taama aalajangerpugut. Suliniaqatigiiffipput suli peqatigiiffiullunilu – siulersuisuni ilaasortanit ataatsimeersuarnerni toqqakkanit – aqunneqartarpoq. Pisarnertut. Aaqqissuussaanerput allanngortinngilarput, Puk Draiby neriorsuilluni oqarpoq.

Peqatigiiffik Kalaallit Meerartaat-p ilisarnaatitaava assiliartalersuisartumit Line Jensenimit suliarineqarlunilu ilusilersugaavoq. Line Sermitsiap AG-illu assiliartalersuisartut immikkoortortaani Nuummiittumi aqutsisutut siornatigut atorfeqarpoq. Jyllandip avannaani allaffeqarluni maanna namminersortuuvoq.