06.05.20

Kalaallit Nunaanni suliniutivut nangippavut

Julie Lynge Nuummi allattoqarfimmi pisortatut atorfittaamini apriilip aallaqqaataani aallartippoq. Kalaallit Meerartaanni sulilernerata ingerlarnga sutigut tamatigut allaaneroqaaq. Suliffittaami coronavirusip ajornartorsiortitsileruttornerani aallartilluni qanoq ippa? Tamannalu Kalaallit Nunaanni suliniutitsinnut qanoq sunniuteqarpa?

Juliap sulilernini Kalaallit Nunaanni inuiaqatigiit killilersuinernit matusinernit sunnerneqarnerat pissutigalugu naatsorsuutigisaminit allanneruteqaa. Suliassarpassuit suliarisinnaasimanagillu allatut pilersaarusiortariaqarsimapput. Julie ima oqaluttuarpoq:

”Danmarkimi suleqativut nunatsinnilu suleqatigisavut ataatsimeeqatigiartorlugit angalaqattaartussaagaluarpunga – suulli tamarmik taamaatipput, taamaattumik eqqissisimasumik aallartippunga. Kalaallit Nunaannili suliniutivut eqqissillunga pulaffigeqqissaarpakka, suleqatigiiullutalu taakku pitsaanerpaamik piareersarnissaannut oqaloqatigiilluarluta. Tamattalu nittartakkakkut ataatsimeeqatigiittariaqartarsimavugut, tamannalu aallaqqaammut qulanartoqartippara. Nittartakkakkut ilisarisimaneqalernissara eqqarsaatigiinnarlugu eqqumiigaara, ingerlarngali ajorisassaanani”, Julie oqarpoq, inuttaatalu suleqatinilu nittartakkakkut ataatsimeeqatigiittarnissartik piareersimaffigisimammassuk tamanna unammillernarnerpaasimanngilaq.

Sapiik nangikkaat

Tamatuma saniatigut Kalaallit Nunaanni suliniutitsinnik coronavirusip ajornartorsiortitsinerani ingerlatsiinnarnissarput unammillernarsimavoq. ”Suliniut Sapiik suliniutigisatsinni eqqugaanerpaavoq. Katerinnermut inerteqquteqartoqarnera pissutigalu suliniut unitsikkallartariaqarsimavarput. Inerteqqulli tamanna atorunnaarsinneqarmat Kalaallit Nunaannilu inuiaqatigiinni pissutsit pisarnertut coronavirusip ajornartorsiortitsilinnginneranisulli sorpassuartigut ileqqimmata Sapiimmi suliniutit nangeqqissinnaanngorpavut”, Julie oqaluttuarpoq.

”Suliniut Sapiik suliniutigisatsinni eqqugaanerpaavoq. Katerinnermut inerteqquteqartoqarnera pissutigalu suliniut unitsikkallartariaqarsimavarput. Inerteqqulli tamanna atorunnaarsinneqarmat Kalaallit Nunaannilu inuiaqatigiinni pissutsit pisarnertut coronavirusip ajornartorsiortitsilinnginneranisulli sorpassuartigut ileqqimmata Sapiimmi suliniutit nangeqqissinnaanngorpavut”, Julie oqaluttuarpoq.

Suliat nukinginnarluinnartuinnaat taamaallaat ingerlakkaat

Najortimik taallugu meeqqanut illersuisussaqartitsinermut aaqqissuussarput unitsikkallanngilarput, kommunilli sulianik ingerlatsisinnaasussaat aallaavigalugit ingerlapparput. Julie oqaluttuarpoq: ”Kommunit sulianik nukinginnarluinnarnerpaanik taamaallat ingerlatsisinnaasimapput, tamannalu suliniutitsinnik ingerlatsinitsinnut soorunami sunniuteqarpoq, kommuninili pissutsit pisarnertut ilisinneqariartuaaqqilerput”.

Kalaallit imminnut qanillattoqarnaveersaarneq ileqqorilerlugulu eqqiluisaarnermut piumasaqaatinut sukannersunut nalimmassarput, aammali sulliviit, sutorniartarfiit kaffisorniartarfiillu, neriniartarfiit, atuarfiit meeqqeriviillu ammaqqipput, avammullu angallannermut katerinnermilu inuit 100-nit amerlaneroqqusaannginnerannut killilersuinerit taamaallaat suli atuullutik. Coronavirusillu ajornartorsiortitsinerata Kalaallit Nunaanni inunnik isumaginninnermik sullissinermut Danmarkimisulli sunniuteqarnera inuillu ikiortariallit tamatumanit eqqugaarujussuarnerat aamma oqallisaangaatsiarput.

Meeqqanik ukkassineq

Julie oqaluttuarpoq: ”Nuummi nunaqarfiinilu imigassaarniarneq poorski sioqqullugu inerteqqutigineqalerpoq. Meeqqat angerlarsimaannaqqusaanerminni illersorneqarnissaat ilaatigut eqqarsaatigalugu taamaaliortoqarpoq. Coronavirusi inunnut ikiortarialinnut ingammillu meeqqanut qanorpiaq sunniuteqarsimanersoq aatsaat kingusinnerusukkut oqaatigisinnaanngussavarput. Suliniutitta nangeqqinnissaat maanna pingaarnerpaavoq, aamma suleqatigisatta qanimut naapinnissaat suliavullu pillugit naapeqatigiinnerni peqataanissara qilanaaraara, taamaalillutami suliniaqatigiiffittut sunniuteqarnissarput Kalaallit Nunaannilu suliniutitsinnik saqqummiinissarput qulakkiissagatsigu”.

Kalaallit Nunaanni coronavirusertutut paasineqartut aqqaniliupput, tamarmik Nuumminngaanneersuullutik. Taakku tamarmik nakorsarneqareerlutillu peqqisseqqereerput.