30.03.20

Kalaallit Meerartaata allattoqarfia pisortartaalertoq

Julie Lynge Nuummi allattoqarfitsinni pisortanngussaaq. Julie Kommuneqarfik Sermersuup Kulturimut Aaqqissuussinermullu Immikkoortoqarfianeerpoq, tassanilu 2015-imili atorfeqarsimalluni.

Juliep allaffissornermik allaffissornermilu aqutsinermik misilittakkaminik ingammik meeqqqanik sullissinermi ataqatigiissitsinissaminut periarfissaqarnini pissutigalugu atorfigiligassani inuttassarsiuunneqarmat qinnuteqarfigaa.

”Nunatsinni meeqqat atugaannik pimoorusillunga pitsanngorsaaqataarusuppunga. Nunatsinni meeqqat atugaannik pitsanngorsaaqataanermik pimoorussillunga sulinissara soqutigiuarsimavara, ingammik pingasunik qitornarsiartaareernerma kingorna”, Julie Lynge Kommuneqarfik Sermersuumi sulinermini milittakkani najoqqutarilluarlugit sulerusuttoq oqarpoq.

”Isumaqarpunga atorfittaara atorfiginiaraanni anersaaqarfigisariaqartoq, uangalumi anersaaqarfigaara. Tamatumali saniatigut neriuppunga, allaffissornermi misilittakkakka Kalaallit Meerartaata Nuummi allattoqarfiata patajaannerulersinnissaanut Kalaallit Meerartaatalu nunatsinni tamarmi suliniutai sunniuteqarluartaqisut qaammarsarneqarnerunissaannut iluaqutaajumaartut”.

Julie Lynge Kalaallit Meerartaata Nuummi allattoqarfiani pisortatut 2020-mi apriilip aallaqqaataani atorfinissaaq.