19.12.19

Kalaallit Meerartaat Qaqortumi sulisussamik suliniummi suleqataasussarsiorpoq

Qaqortumi inuusuttuaqqat ilinniarnissaannut takorluukkaminnillu piviusunngortitsinissaannut kajumissisinnissaannut kajumissuseqarpit? Taamaappat illit immaqa atorfissaqartippatsigit.

Sapiik meeqqat atuarfiini atuartunut angajullernut neqeroorutaavoq. Sapiimmut tunngasumik suliaqartuusugut inuusuttuaqqat siunissamut takorluisinnaassuseqarnissaannut, siunissamut pilersaarutiminnik erseqqissumik oqaasertaliinissaannut ilinniarnissaminnullu pilersaarusiornissaannut tapersersortarpavut.

Suliniummi suleqataasutut sulininni sapaatit-akunnerannut nalunaaquttap akunnerini tallimani sulisassaatit, isumaqasioqatigiinnerni marlunni peqataanikkut Sapiimmut tunngasumik suliaqarnermut pikkorissarlutillu suliniummi suleqataasut allat sineriammeersut naapissavatit.

Inuusuttuaqqanik peqateqarnermik nuannarinnittuunissat piumasaqaataavoq. Tatiginartuunissat, namminersorsinnaanissat piffissannillu pilersaarusiorsinnaanissat pingaaruteqarpoq. Maligassiuisuunissallu aamma pingaaruteqarpoq.

Neqeroorutigaavut: Suliffik nuannersoq isumalimmillu suliaqarfiusoq, suleqatit pikkorissut, isummersoqatigiinneq, ilitsersuineq ukiumoortumillu isumasioqatigiinnerit marluk pikkorissarnertallit.

Qinnuteqaatit uunga nassiutissavat: Lis Anker Petersen, lap@fgb.dk

Ulloq qinnuteqarfissaq kingulleq: 2019 decembarip ulluisa 27-at

Ulloq sulilerfigisassattut ilimagineqartoq: Januaari 2020

Paasisaqarnerorusukkuit suliniummik aqutsisoq, Lis Anker Petersen, allaffigalugu sianerfigaluguluunniit attavigisinnaavat: lap@fgb.dk, +299 54 21 06