21.01.20

Kalaallit Meerartaat aallarnisaanermut takorluuisinnaassusilimmik Nuummi allattoqarfimminut pisortassarsiorpoq

Nalitsinni pisut aallaavigalugit suliniaqatigiiffimmi arlaannaannulluunniit attuumassuteqanngitsumi kalaallillu meerartaat kikkulluunniit nunatsinniittut Danmarkimiittullu inuunerissaarnissaminnut sapinngisamik periarfissaqartitaalluarnissaannut sulissuteqartumi suleqataarusuppit?

Nuummi allattoqarfitsinni pisortarput sulianik nutaanik misilitassarsiormat Nuummi allattoqarfipput nutaamik pisortassarsiuupparput.

Kalaallit Meerartaat peqatigiiffiuvoq alliartuinnartoq, taamaattumik allanngoriartortuarsinnarpoq. Kalaallit Nunaanni Danmarkimilu sulivugut. Taamaattumik Nuummi allattoqarfitsinni pisortatut Kalaallit Meerartaata nunani taakkunani taaneqareersuni immikkoortortaqarfiini sulisassaatit, aamma Kalaallit Meerartaata aallarnisaanermut takorluugaanik, iliuusissatut pilersaarutaanik suliniutaanillu ineriartortitsinermi annertuumik suleqataasassaatit. Misilittakkavut tunngavigalugit paasinikuuarput suleqateqarnikkut annertuumik allannguisinnaasarluta, taamaattumik Kalaallit Nunaanni Namminersorlutik Oqartussat, kommunit soqutigisaqaqativullu allat suleqatigaavut. Suleqatigiinnitsinnik nangitsuussallutillu ineriartortitsisuussaatit.

 

Allattoqarfitta immikkoortortaqarfiani pisortatut suliassatit makkuupput

  • Allattoqarfitta Nuummi immikkoortortaqarfiani aqutsineq ineriartortitsinerlu, tamatumani tassani sulisunik aqutsineq
  • Kalaallit Meerartaanni aqutsisoqatigiinni peqataaneq, ilaatigullu 2025-mut iliuusissatut pilersaarusiassatsinnik ineriartortitseqataaneq taassuminngalu atuutilersitseqataaneq
  • Najortimik taallugu meeqqanut illersuisussaqartitsinermut aaqqissuussatsinni aqutsineq
  • Kalaallit Nunaanni suliniutinik pioreersunik malittareqqiineq taakkualu pissusissamisoortumik ingerlanneqarnerinik qulakkeerinninneq, tamatumani ataqatigiissaarineq allagaasiornerlu
  • Suliniutinik nutaanik ineriartortitseqataaneq
  • Kalaallit Nunaanni peqatigiiffiit oqartussaasullu suleqatigalugit Kalaallit Meerartaat sinnerlugu sulineq
  • Kalaallit Meerartaannik taassumalu aaqqissuussaanik qaammarsaaneq taamatuttaaq Kalaallit Nunaanni meeqqat inuusuttuaqqallu pisinnaatitaaffii inuuniarnikkullu atugaat pillugit oqallinnermi peqataanissatsinnik qulakkeerinninneq

Nuummi allattoqarfitsinni, Tuapannguit 20-miittumi, ulluinnarni sulisassaatit. Kalaallit Nunaata iluani Danmarkimullu angalakulasarnissat naatsorsuutigissavat. Sulileruit sivisujaamik Danmarkimiinnissat naatsorsuutigissavat.

 

Tunuliaquttat

  • Aqutsinermik misilittagaqarputit, tamatumani iliuusissatut pilersaarusianik ineriartortitsineq atuutilersitsinerlu
  • Sulisunik aqutsinermik misilittagaqarputit
  • Qaffasinnerusumik ilisimatusarlutit ilinniarsimasuuvutit/isumaginninnermut tunngasumik ilinniarsimasuuvutit imaluunniit meeqqanik inuusuttuaqqanillu sullissinermik/isumaginninnermi sulinermik misilittagaqarputit
  • Inunnik piorsarsimassutsikkut assigiinngitsunik tunuliaqutalinnik sullissinermik misilittagaqarputit
  • Kalaallit Nunaat ilisimasaqarfigalugulu Kalaallit Nunaanni ilisarisimasaqarputit
  • Nutaaliorsinnaavutit periarfissanillu alaatsinaallaqqillutillu pilersitsillaqqipputit
  • Oqaluttariarsornermi allattariarsornermilu attaveqateqallaqqipputit. Kalaallisut qallunaatullu oqaaseqartuunissat pingaartipparput
  • Namminersorlutit sulisarputit, aaqqissuussillaqqipputit suleqateqallaqqillutillu

 

Atorfik inuttassarsiuussarput aalajangersimasumik atorfiuvoq, piarnerpaamillu kingusinnerpaamilli 2020-mi maajip aallaqqaataani sulilissallutit.

 

Kalaallit Meerartaat pillugu paasissutissat

Kalaallit Meerartaat Kalaallit Nunaanni meeqqat ikiortariallit piginnaasaannik periarfissaannillu pilersaarusiorluarnikkut suliniuteqarnikkullu pitsanngorsaanermik suliaqarpoq. Kalaallit Meerartaat 1924-mili piuvoq. Najukkani ataasiakkaani suleqateqarnermik atassuteqarluarnermillu aallussaqarpugut, taamattumillu Kalaallit Nunaanni Danmarkimilumi najukkani ataasiakkaani suleqateqarluarnissarput tamatigut qulakkeertarparput. Allattoqarfipput Nuummi, Københavnimi Aalborgimilu immikkoortortaqarfeqarpoq. Kalaallit Nunaanni Danmarkimilu illoqarfinni qulaani taaneqareersuni sulisut 35-t missaanniippugut. Paasisaqarnerorusukkuit nittartagarput alakkaruk: www.fgb.gl

Qinnuteqarneq
Qinnuteqaatit qallunaatoortoq aamma ilinniagaqarnivit sulisimanivillu oqaluttuassartaata allattorsimaffiat ilanngullugu Kalaallit Meerartaata e-mailianut uunga nassiutissavatit: job@fgb.dk Ulloq qinnuteqarfissaq kingulleq: 12.02.2020 . Qinnuteqartunik sapaatit-akunnerit arfineq-pingajuanni oqaloqateqassaagut.

Apeqqutissaqaruit allattuunermut, Puk Draibymut, sianerlutit saaffiginninnissannut tikilluaqqusaavutit: 0045 28565419