19.10.20

Heidi Lindholm Kalaallit Meerartaanni siulittaasunngorpoq

Heidi Lindholm ukiuni tallimani kingullerni siulersuisunut ilaasortaavoq, 2019-imiillu siulittaasumut tulliulluni. Heidi Lindholm Nuummi tarnip pissusiinik ilisimasalittut sulivoq.

”Siulittaasutut tunuartup Kirsten Bitschip suliaasa ingerlateqqinnissaat qilanaarivara. Piffissami sivitsortumi sulissutiginikuuarput suliniutitta Kalaallit Nunaannit aallaaveqarnissaat. Nuummi allattoqarfik sulilluartoq, inuiaqatigiinnilu kalaallini tamatigoortumik suleqateqarluarnerit aqqutigalugit, sulinitsinnut pitsaasumik toqqammavissaqaleriartornikuuvugut. Allannguutit ataavartussat sulissutigivagut. ”Ataavartitsinissaq suliniutittalu patajaatsumik aallaaveqarnissaat, sulissutigisassama ilagissavaat”, Heidi Lindholm oqarpoq.

 

Kalaallit Meerartaanni nutaatut siulittaasumut tullinngorpoq Dansk Røde Korsimi nutaaliornermut pisortaq, Andreas Hjort Frederiksen.