23.10.19

Dronningip imilerissanik qalipagai aallaavigalugit frimærkelianik tuniniaaneq Kalaallit Meerartaasa Peqatigiiffiata 100.000 koruuninik tapiiffigineqarneranik kinguneqartoq

Ataqqinartorsuup dronning Magrethep Tunup sineriaa najoqqutaralugu qalipagai aallaavigalugit frimærkelianik tuniniaaneq 100.000 koruuninik sinneqartooruteqarfiuvoq. TELEPOST-ip 100.000 koruunit Kalaallit Meerartaasa Peqatigiiffiannut Balders Pladsimi Københavnimiittumi tunissutigimmagit inuit qiimmassimmaarput.
Dronning Magrethep qalipagai najoqqutaralugit frimærkilianik tuniniaaneq 100.000 koruuninik sinneqartooruteqarfiuvoq

TELE-POST nunatsinni ajunngitsuliornermik aallutaqartunut kulturimulluunniit tunngasutigut suliniutilinnut tapiissuteqarnissaminut saniatigut nalilinnik immikkut ittumik ukiut tamaasa frimærkeliortitsisarpoq. TELEPOST-ip immikkut ittumik frimærkliortitsinermut ingerlatsisuata Allan Pertti Frandsenip oqarnera naapertorlugu Ataqqinartorsuaq dronning Magrethe qalipatani aallaavigineqarlutik TELEPOST-ip immikkut ittumik frimærkiliarititaminik tuniniaanermini saniatigut isertitaminik Kalaallit Meerartaasa Peqatigiiffiannut tunissuteqarnissaanut nammineq kajumissaarisimavoq. Kalaallillumi Meerartaasa Peqatigiiffianni siulersuisut siulittaasuata Kirsten Bitschip immikkut ittumik nersorneqarnertik aamma nuannaarutigisorujussuuaa.

Københavnimi Nuummilu suleqatitta aningaasanik Kalaallit Nunaanni suliniutitsinnut toqqaannartumik tuttussanik tapiissuteqarfigineqarnerput nalliussigaat

“Frimærkinik tuniniaanerup saniatigut isertitat Kalaallit Nunaanni suliniuteqarnitsinnut tunissutigitittussanngortinneqarmata tulluusimaarutigisorujussuuarput. Kalaallit meerartaasa inuusuttuarartaasalu tamarmik toqqissisimanartumik alliartornissaannut siunissamilu atugarissaarnerunissaannut Kalaallit Nunaanni Danmarkimisulli sulissuteqarpugut. Dronningimmi imilertarissanik qalipakkami ilai Tunumi arlalitsigut aallussaqarfigisatsinni inuttaata pilersippai. Ilaatigut Tasiilami meeqqanut marlussoriarluta aasaanerani tammaarsimaartitsereerpugut. Qeqertarsuarmi Kullorsuarmilu meeqqanut aappaagu aasaanerani tammaarsimaartitsissaagut, taakkunanilu meeqqat aasarsiorluakutsoornissaannik neriorsuuteqarnissatsinnut ajukkutinngeqaanga, Kirsten Bitsch naggasiivoq.