Nutaarsiassat

Aasaanerani atuanngiffeqarneq naavoq, inuusuttullu kalaallit amerlaqisut atuarnertik ilinniarnertillu nangittussanngorpaat. Aammattaaq Danmarkimi efterskolini kalaallit inuusuttut atulerput. Kalaallit inuusuttut 200-t missaasa Danmarkimi efterskolernissartik toqqarpaat. Siornanit ikinnerupput, tassami siorna inuusuttut 300-ngajaat Danmarkimi efterskolerput. Qularutissaanngitsumik Corona pissutigalugu nalornineq kalaallit inuusuttut Danmarkimi efterskolertut ikileriarnerannut pissutaavoq, Bjarke Flyvholm, ALLU-mi suliniummik aqutsisoq isumaqarpoq. Kisianni inuusuttunut 160-it missaanniittunut – Corona unissutiginagu – Danmarkiliartunut, […]

Siammartoq kalaallinut inuusuttunut attaveqaataalluarnermi saniatigut, aamma tassaavoq ilinniarluni ingerlatsineq, inuusuttunik piginnaaneqalersitsillunilu sakkussaqalersitsisoq, inuunerminni sammivissinnissaannut atorneqarsinnaasunik. Pikkorissartut arlallit inuunerminni sumiginnagaanermik, atornerlugaanermik kiserliornermilluunniit misigisaqartarsimapput. Siammartoq peqataasunut arlalinnut tassaavoq inuunermi kapitalimik nutaamik aallartitsineq, piginnaasaminnik atuilerfiat, ilaatigut kattuffinni namminneq kajumissusertik naapertorlugu sulisuni sungiusarluni sulineq aqqutigalugu. Maannamut taamaallaat kalaallinut inuusuttunut neqeroorutaanikuuvoq, maannali Siammartumi holdi inuusuttunik qallunaanik kalaallinillu inuttaqarpoq. Allaanerusunik naapitsineq […]

Sooq Kalaallit Meerartaanni atorfik qinnutigiviuk? Najortimi ataqatigiissaarisutut atorfimmi piumasaqaataavoq inatsisinik, sulianik suliaqarnermik aamma inuussuttunut ilaqutariinnullu tunngasunik ilisimasaqarnissaq. Ilisimatusarfimmit inunnik isumaginninnermut tunngasunik bacheloritut, ukiuni qulini pisortani aamma katsorsaanermullu tunngasunik sulisimanera, kiisalu ilinniakkat marluk maanna ingerlatakka – tassalu psykoterapeutitut Ilisimatusarfimmilu inatsisilerituutut – pissutigalugit isumaqarpunga atorfik uannut naapertuulluinnartoq. Tassami suliassakka suliamut atatillugu soqutigisannik tamanik imaqarput. Suliassama uannut uangalu […]

Kikkut kingornutissaneraatsit ilisimaviuk? Kingornussisussat ataasiakkaat qanoq kingornussissappat? Periarfissatit suuppat? Sapaat 13. september tassaavoq nunarsuaq tamakkerlugu Testamentip Ullua. Tamatumunnga atatillugu ”Det Gode Testamente”, kingornussisarneq testamentiliortarnerlu pillugit Danmarkimi eqqartuussissuserisut misilittagaqarnerpaat ilaat marluk peqatigalugit minutsini 30-ni oqalugiarnissamut aggersaavoq, illit angerlarsimaffinnit malinnaaffigisinnaasannik. Peqataanissamut nalunaaruit sofami issiaartilluni tamulunneqarsinnaasut 200-t makitsissutiginerinut peqataassaatit. Peqataanissamut nalunaarit uani

Soorunami ernummatigineqarsinnaavoq anguniakkanit kusanartuniit ilumut allannguutaasumik piviusunngortitsinermut nikeriartoqarsinnaanersoq. Kisianni Julie Lynge-p maluginiarpaa inuinnaat – taamaalillunilu aamma kattuffiit inuillu isumalluutit sumiiffinni ataasiakkaani najugaqartunik peqataatitsiniarlutik, meeqqat tikillugit suliaqartut isiginiarneqarnerat. Assak isaanneqarpoq ”Naalakkersuisut saqqummiussinerat tassaavoq uagutsinnut kattuffinnut meeqqanik sullissisuusunut assak isaanneqartoq, inuinnaat uagut kattuffittut meeqqanik sullissisutut ilaaffigisatta aamma kommunini aaqqissuussinerup, meeqqat tamarmik pisariaqartitamikkut ikiorneqarnissaannik pisussaaffeqartup akornanni suleqatigiinnissamik ikaarsaariarfiliornissamillu […]

Oqaatsitigut piginnaanngorsaaneq Ilinniartitaanermut Aqutsisoqarfiup, Kalaallit Meerartaata Galtrup Efterskolellu suleqatigiinnerisigut pilersinneqarpoq. Inuusuttut oqaatsitigut ukiaanerani atuanngiffeqarnermi piginnaanngorsarneqarnerminni danskit oqaasiinik ilinniartinneqassapput. Tamatumali saniatigut danskisut aamma oqaloqatigineqangaatsiartassallutillu kulturikkut naapeqatigiinneq ukkatissavaat. Brita Toft Hyldgaard oqaluttuarpoq: ”Kalaaleq inuusuttoq Danmarkimut efterskoleriartorluni tikikkaangami nutaanik sungiusimasaminit allaaneroqisunik misigisaqartarpoq, taamaammat inuusuttut nutaarpassuarnik misigisaqarnerminni ilikkariartornerminnilu neriuginartumik toqqissisimanissaat anguniarlugu danskit kalaallillu ataqatigiissilernissaat aamma pingaaruteqarpoq”. Toqqissisimatissavagut Kalaallit inuusuttut […]

Aasaanerani sammisassaqartitsinissatta aallartinnerata sapaatit akunnerata siulliani Sønderjyllandiliartoqassaaq. Dansk Folkehjælpimik suleqateqarnerput kalaallit ilaqutariiaat 15-it Danmarkimi illoqarfinni assigiinngitsuneersut Feriecenter Løjtimi aasarsiortussanngornerannik kinguneqarpoq. Feriecenter Løjti naluttarfeqarlunilu tassannga 250 meterisut ungasitsigisumi sissaqarpoq, taamaammat meeqqat naluutilisarnissartik eqqaamassariaqarpaat. Aammali isikkamik arsaallutik ajugaaniutissapput, sissami volleyballissapput, nerriveeqqami arsaarassapput, pississaarfimmi pississaassapput kaffillertunukassallutillu. Ilaqutariiaat ingammik Kalaallit Meerartaata anaananut ilaqutariinnullu naapeqatigiittarfianeerput, meeqqallu nukarliit inuunermik aallartitsilluarnissaat angajoqqaallu ilisarisimasaminnik […]

Naalakkersuisut Naalagaaffiit Peqatigiit Meeqqat pillugit Isumaqatigiissutaata tamarmiusup nunatsinni tamarmi atuutilernissaanik qulakkeerisussamik iliuusissatut pilersaarusiornissaasa akuerineqarnera Kalaallit Meerartaannut nutaarsiassatsialaavoq. Kalaallit Meerartaata Nuummi allattoqarfiani pisortaq, Julie Lynge, ima oqarpoq: ”Meeqqat pisinnaatitaaffiisa politikkikkut ukkatarineqarlualernerat nuannaarutigeqaarput. Tamatumunnga atatillugu politikkikkut ukiuni kingullerni suliniutigineqartut arlaliupput, tamatumani meeqqat tapersersorneqarnissaannut nutaamik inatsisiliortoqarluni. Taanna nunatsinni meeqqat inuusuttullu isumaginninnikkut sullitat suliani imminnut tunngasuni illersorteqarsinnaanngornerannik kinguneqarpoq.

Kalaallit Meerartaata Nuummi immikkoortortaqarfia suliniummi suleqataasussamik sulisussarsiorpoq. Suliniummi suleqataasutut suliniummi Najortimi suleqataaneq pingaarnertut aallutissavat, suliassanilli allanik aamma suliaqartarnissat naatsorsuutigissavat. Suliniummut Najortimut tunngatillugu sulianik ataqatigiissaarineq, najortinut siunnersuineq suliniummillu ineriartortitsineq pingaarnertut aallutissavatit. Suliani ataasiakkaani illit najortiusassaatit. Atorfimmi tassani tamatigoortunik suliaqartartussaassaatit – taamaammat suliassanik allanik aamma suliaqartassallutit. Soorlu allaffissornermi suliassanut, paasissutissanik katersinermut, naatsunik nutserinermut, ineriartortitsinermut suliassanut assigisaannulluunniit tunngasuusinnaapput. […]

Lotte S. Rank meeqqanut ilaqutariinnullu siunnersortiullunilu Aalborgimi anaanat kalaallit naapeqatigiittarfianni akisussaasuuvoq. Anaanat kalaallit naalungiarsulisarlutik pingasunngornerit tamaasa naapittarput. Corinavirusili ajornartorsiortitsilermat naapissaarallartariaqalersimapput. Lottep anaanat kalaallit naapeqatigiittarnerat unitsinnagu nittartakkakkut attaveqaqatigiittarfitsigut oqaloqatigiitittalerpai, tamannalu iluatsilluartoq erserpoq. Nittartakkakkut attaveqaqatigiittarfitsigut oqaloqatigiinneq napeqatigeeriaatsimik allamik pilersitsiffiusoq ”Anaanat kalaallit nittartakkakkut attaveqaqatigiittarfitsigut oqaloqatigiittarnerat qanimut naapittarnerannut soorunami sanilliunneqarsinnaanngilaq, taamaakkaluartoq misilittakkaminnik suli avitseqatigiissinnaallutillu naapissinnaajunnaarallariasaarnerminni immaqa kiserliornissaraluartik pakkersimaarsinnaavaat. Nittartakkakkut […]