Danmarkimi periuseq

Danmarkip kangianiit kitaanut meeqqanit mikinerpaaniit meeqqanut anginerpaanut, meeqqatummi taaneqarsinnaajunnaartunut allaat, sullissivugut. Kiserliorneq millisarniarlugu taamatuttaaq inuunerissaarneq qulakkeerniarlugu aammalu qaamasumik siunissaqarnissaq siuarsarniarlugu sulivugut. Danmarkimi suliniutivut suliavullu suunersut quppernermi matumani nassaarikkit.

Kalaallit ilaqutariit kiserliortorujussuit allanillu avissaaqqalluinnartut Danmarkimi naapittarpavut. Sumiiffinni tamakkunani meeraqarpoq inuusuutoqarlunilu toqqammavissaaleqisunik, tamatumalu kinguneranik meeqqat inuunerissaarnissaat, atuarnerat, sunngiffimmi inuunerat siunissamilu ilinniagaqalernissamut periarfissaat sunnerneqartarput.